പരിശുദ്ധത്മാവിൻ്റെ ശബ്ദത്തിന് മുൻപിൽ പൊട്ടികരഞ്ഞിരുന്ന ആത്മീയ നേതാവ്.

ജസ്റ്റിൻ കായംകുളം

പാസ്റ്റർ പി എ വി സാം പരിശുദ്ധത്മാവിൻ്റെ ശബ്ദത്തിന് മുൻപിൽ പൊട്ടികരഞ്ഞിരുന്ന ആത്മീയ നേതാവ്.

കർത്താവിൽ നിദ്ര പ്രാപിച്ച ഇന്ത്യ പൂർണ സുവിശേഷ ദൈവസഭയുടെ മുൻ ഓവർസിയർ ആയിരുന്ന പാസ്റ്റർ പി എ വി സാമിനെക്കുറിച്ചു പ്രവാചകനായ പാസ്റ്റർ വർഗീസ് ബേബി കായംകുളം ഓർത്തെടുക്കുന്നു. അനേക രാത്രികളിൽ ഒരുമിച്ചു പ്രാർത്ഥിക്കുമ്പോൾ പരിശുദ്ധത്മാവിൻ്റെ ദൂത് കേൾക്കുമ്പോൾ പൊട്ടിക്കരഞ്ഞു സ്വീകരിക്കുമായിരുന്നു. പരിശുദ്ധത്മാവിൻ്റെ പ്രവർത്തനങ്ങളോടും ആത്മീയ ശുഷ്രൂഷകളോടും ഏറെ താല്പര്യം കാണിച്ചിരുന്ന കർത്താവിൽ പ്രസിദ്ധനായ പാസ്റ്റർ പി എ വി സാമിൻ്റെ വേർപാട് ദൈവസഭയ്ക്ക് നികത്താനാവാത്ത വിടവാണ് നൽകുന്നത്.

ഉണർവ്വിൻ്റെ കാലഘട്ടത്തിൽ മലയാളക്കരയാകെ ദൈവത്താൽ ശക്തിയോടെ ഉപയോഗിക്കപ്പെട്ട ART അതിശയം എന്ന ഭക്തനായ ദൈവ ഭക്തൻ്റെ ഏകമകനായി ജനിച്ചു. ഏകമകനെ കർത്താവിന് വേണ്ടി സമർപ്പിക്കുവാൻ പിതാവ് കാണിച്ച ധൈര്യം ശരി വെയ്ക്കുന്നതായിരുന്നു പാസ്റ്റർ പി എ വി സാമിൻ്റെ ശുശ്രുഷയും വളർച്ചയും. ഗ്രാമങ്ങൾ തോറും സുവിശേഷ പ്രവർത്തനം നടത്തിയതിനൊപ്പം പട്ടണങ്ങൾ കേന്ദ്രീകരിച്ചും അദ്ദേഹം വേല വിസ്താരമാക്കി. പട്ടണങ്ങളിൽ Intensive Bible Training Cources ആരംഭിച്ചു. യൂത്ത് ഡിപ്പാർട്ടമെൻ്റെ സൺ‌ഡേ സ്കൂൾ ,വൈ പി ഇ എന്നിങ്ങനെ രണ്ടായി തിരിച്ചു പ്രവർത്തനം വിപുലമാക്കുകയും ചെയ്തു, സൺ‌ഡേ സ്കൂളിനെ പറ്റിയുള്ള തൻ്റെ ദർശനം നിലവാരമുള്ള ഒരു സിലബസ് ഉണ്ടാക്കാനും സഹായകമായി.തൻ്റെ ശുശൂഷ കാലയളവുകൾ ദൈവസഭക്ക് വലിയ ഉണർവ്വിൻ്റെയും പുതിയ ആരംഭങ്ങളുടെയും കാലഘട്ടം ആയിരുന്നു.സുവിശേഷ വേലയോടുള്ള തൻ്റെ അതീവ താത്‌പര്യം ദൈവ സഭയുടെ വളർച്ചയുടെ ഘട്ടങ്ങൾ ആയിട്ടാണ് മറ്റുള്ളവർക്ക് കാണുവാൻ കഴിഞ്ഞത്.
1988 മുതൽ 2000 വരെയുള്ള കാലഘട്ടത്തിൽ ദൈവസഭയ്ക്ക് അനിഷേധ്യമായ നേതൃത്വം ആണ് അദ്ദേഹം നൽകിയത്.
പാസ്റ്റർ പി എ വി സാം എന്ന ക്രിസ്തു ഭക്തൻ്റെ വിയോഗത്തിൽ എല്ലാവിധ പ്രത്യാശയും അർപ്പിക്കുന്നു