Advertise here

നോ പറയേണ്ടപ്പോൾ നോ പറയുക

Aug 10, 2020

നോ പറയേണ്ടപ്പോൾ നോ പറയുക

പാസ്റ്റർ പ്രിൻസ് തോമസ്

ഇന്നത്തെ മനുഷ്യരുടെ അടിസ്ഥാന പ്രശ്നങ്ങളിൽ ഒന്നാണ് നോ പറയേണ്ടിടത്ത് നോ പറയാൻ സാധിക്കുന്നില്ല എന്നത്. ജീവിതത്തിന്റെ വിവിധമേഖലകളിൽ നോ പറയേണ്ട സമയത്ത് നോ പറയുവാൻ അസാധാരണമായ ധിക്ഷണാ ശക്തി വേണം. നാളെയെ കുറിച്ച് കൃത്യമായ ദർശനം ഉള്ളവർക്ക് മാത്രമേ ചിലതിനോടൊക്കെ നോ പറയുവാൻ കഴിയുകയുള്ളൂ. ചിലതൊക്കെ ഉപേക്ഷിക്കാതെ നാളെയുടെ ദർശനങ്ങൾ യാഥാർഥ്യമാക്കാനാവില്ല. പ്രമുഖ സുവിശേഷ പ്രഭാഷകനായ പാസ്റ്റർ പ്രിൻസ് റാന്നി പറഞ്ഞു. പവർ വിഷനിലൂടെ നടക്കുന്ന വീട്ടിലെ സഭായോഗത്തിന്റെ 21ആം ഞായറാഴ്ചയിൽ പ്രഭാഷണം നടത്തുകയായിരുന്നു അദ്ദേഹം.

മോശയുടെ ജീവിതത്തിന്റെ അടിസ്ഥാനത്തിൽ പ്രധാനമായും യുവജനങ്ങളോടും വിദ്യാർത്ഥികളോടുമുള്ള സന്ദേശം നൽകുകയായിരുന്നു അദ്ദേഹം. മോശ മിസ്രയീമിലെ അടുത്ത ഫറവോൻ ആകാൻ സാധ്യത ഉള്ള വ്യക്തിയായിരുന്നു. ഫറവോന്മാ ർക്ക് ലഭിക്കുന്ന മരണാനന്തരബഹുമതിയായി രുന്ന പടുകൂറ്റൻ പിരമിഡുകളിൽ ഉള്ള ശവമടക്കവും ലഭിച്ചേനെ. മോശ അതിനോടെല്ലാം നോ പറഞ്ഞു. എങ്ങനെ മോശയ്ക്ക് നോ പറയുവാൻ സാധിച്ചു. അവൻ അവന്റെ ഭാവിയെക്കുറിച്ച് വ്യക്തമായ ദർശനം പ്രാപിച്ചിരുന്നതിനാൽ നശ്വരമായ ചിലതിനൊടൊക്കെ നോ പറയുവാനും ചിലതൊക്കെ ഉപേക്ഷിക്കുവാനും തയ്യാറായി.
നോ പറഞ്ഞ് ഇറങ്ങിയ മോശ പിരമിഡിലെ സംസ്കാരം ഉപേക്ഷിച്ചെങ്കിലും പിസ്‌ഗായുടെ കൊടുമുടിയിൽ യഹോവയായ ദൈവം നേരിട്ട് ഇറങ്ങിവന്നു അവനെ അടക്കി. മാത്രവുമല്ല മറുരൂപ മലയിൽ കർത്താവിന്റെ കൂടെ ഇരിക്കുവാനുള്ള ഭാഗ്യവും മോശയുടെ ജീവിതത്തിൽ ലഭിച്ചു.

നിത്യതയുടെ കാഴ്ചപ്പാടിൽ താൽക്കാലികവും നശ്വരമായ ചിലതിനൊടൊക്കെ നോ പറയുക. ദൈവം നിന്നെ മാനിക്കും അദ്ദേഹം ഓർമിപ്പിച്ചു.