Hallelujah ll കരുതൽ

“കരുതൽ”  നോർത്ത് ഇന്ത്യയിലെ സുവിശേഷകർക്ക് സാമ്പത്തിക സഹായം
തിരുവല്ല:ഉത്തരേന്ത്യയിലെ സുവിശേഷകർക്ക് ചെറിയ സാമ്പത്തിക സഹായം എത്തിക്കാനുള്ള ശ്രെമങ്ങൾ പുരോഗമിക്കുന്നു.  ഉത്തരേന്ത്യയിലെ ഏതെങ്കിലും സംസ്ഥാനത്ത് പൂർണസമയ  സുവിശേഷ പ്രവർത്തനത്തിൽ ആയിരിക്കുന്ന മലയാളി സുവിശേഷകരെയാണ് പ്രധാനമായും സഹായിക്കുന്നത്.ആദ്യ ഘട്ടത്തിൽ അപേക്ഷിച്ചവരിൽനിന്നു തിരഞ്ഞെടുക്കപ്പെട്ടവർക്കു ഈ ദിവസങ്ങളിൽ സഹായം അയച്ചുതുടങ്ങും

കോവിഡ് കാലഘട്ടത്തിൽ വരുമാന മാർഗങ്ങൾ നിലച്ച് ഉപജീവനത്തിത്തിനോ വാടക കൊടുക്കാനോ ഒക്കെ വല്ലാതെ ബുദ്ധിമുട്ട്  അനുഭവിക്കുന്ന 100 സുവിശേഷകരെ കണ്ടെത്തി ചെറിയ സഹായം എത്തിക്കുവാൻ ഒരു മിഷൻ ഓർഗനൈസേഷനും ഹാലേലൂയ്യാ പത്രവും hvartha.com ഓൺലൈൻ പോർട്ടലും ചേർന്നാണ് പദ്ധതി തയ്യാറാക്കിയത്. എന്നാൽ അല്പംകൂടി പേർക്ക് സഹായം എത്തിക്കുവാൻ ആഗ്രഹിക്കുന്നു.

സുവിശേഷകർ നേരിട്ടോ അവരെ വ്യെക്തിപരമായി അടുത്തറിയാവുന്നവരോ അപേക്ഷകൾ അയക്കാം

100 % അർഹനാണെന്നു പൂർണ്ണ ബോധ്യം നിങ്ങൾക്ക് ഉണ്ടെങ്കിൽ ദയവായി താഴെ കൊടുത്തിരിക്കുന്ന whatsapp നമ്പറിലേക്ക് നിങ്ങളെക്കുറിച്ച്, നിങ്ങൾ എവിടെ, എന്ത്, പ്രവർത്തനമാണ് നടത്തുന്നതെന്ന് തീരെ ചെറിയ ഒരു വിവരണം അയക്കുക. സഭാവിഭാഗം ഏതായാലും കുഴപ്പമില്ല. നിങ്ങളെയും നിങ്ങളുടെ പ്രവർത്തനത്തെയും നേരിട്ട് പരിചയമുള്ള ഏതെങ്കിലും ഒരു മലയാളിയായ ക്രിസ്ത്യൻ ലീഡറുടെ പേരും ഫോൺ നമ്പറും റെഫറൻസിനുവേണ്ടി അതോടൊപ്പം ചേർക്കേണ്ടതാണ്.

കൂടുതൽ അപേക്ഷകർ വന്നാൽ അതിൽനിന്നു തിരഞ്ഞെടുക്കപെടുന്നവർക്കു മാത്രമായിരിക്കും സഹായം നൽകുക. ഹാലേലൂയ്യായുടെ മറ്റൊരു ഫോൺ നമ്പറിലേക്കും ഈ അപേക്ഷ അയച്ചാൽ പരിഗണിക്കപ്പെടുന്നതല്ല.

അപേക്ഷകൾ അയക്കേണ്ടുന്ന ഫോൺ നമ്പർ.
+91 8921861968