പെന്തെക്കോസ്തുകാർ ബി.ജെ.പിയിലേക്കോ?

ഇപ്പോൾ കേരളത്തിൽ എത്തിയിരിക്കുന്ന കേന്ദ്ര ന്യൂനപക്ഷ മന്ത്രി ജോൺ ബർള പല ക്രൈസ്തവ മതമേലധ്യക്ഷന്മാരെയും കണ്ട് ചർച്ചകൾ നടത്തിവരുന്നു. കേന്ദ്ര സർക്കാരിന്റെ ന്യൂനപക്ഷ ക്ഷേമ പദ്ധതികളിൽ പലതിനെയും കുറിച്ച് കേരളത്തിലെ ക്രിസ്‌ത്യാനികൾക്കിടയിൽ വേണ്ടത്ര അവബോധമില്ല എന്ന് കഴിഞ്ഞ ദിവസം താൻ ഒരു പത്ര സമ്മേളനത്തിൽ പറയുകയുണ്ടായി. വിദ്യാഭ്യാസ സ്കോളർഷിപ്പുകൾ കൂടാതെ സ്കൂൾ കെട്ടിടങ്ങൾ, കൺവെൻഷൻ സെന്ററുകൾ, സ്റ്റേഡിയങ്ങൾ എന്നിവയും കേന്ദ്രസർക്കാർ ന്യൂനപക്ഷങ്ങൾക്കായി നിർമ്മിച്ച് നൽകുന്നുണ്ട്. ഇതിനെക്കുറിച്ചു വേണ്ടത്ര ബോധവത്കരണം കേരളത്തിൽ നടക്കുന്നില്ല എന്നും മന്ത്രി കുറ്റപ്പെടുത്തി. പെന്തെക്കോസ്തുകാർ ഉൾപ്പെടയുള്ള
ക്രൈസ്തവരെ ബി.ജെ.പിയിൽ എത്തിക്കാനുള്ള ആലോചനകളും കേന്ദ്ര മന്ത്രിയുടെ സന്ദർശനത്തിന്റെ അജണ്ടയിൽ ഉണ്ട് എന്ന വാർത്തയും പുറത്തു വന്നുകൊണ്ടിരിക്കുന്നു.

ദൈവമക്കൾ രാഷ്ട്രീയത്തിൽ ഇടപെടുന്നതു ശരിയല്ല എന്ന് പറയുന്ന നിരവധി പേരുണ്ട്. ഈ ലോകത്തിന്റെ വ്യവസ്ഥിതികൾ ദൈവീക തത്വങ്ങൾക്ക് വിരുദ്ധമാണ് എന്നാണ് അവർ പറയുന്ന ന്യായം. എന്നാൽലോക രാഷ്ട്രങ്ങളുടെ ഭരണകൂടങ്ങൾ സ്ഥാപിച്ചത് ദൈവമാണെന്ന് വിശുദ്ധ വേദപുസ്തകം പഠിപ്പിക്കുന്നു. റോമാലേഖനം പതിമൂന്നാം അദ്ധ്യായം ഒന്നുമുതലുള്ള വാക്യങ്ങളിൽ നാം അങ്ങനെ വായിക്കുന്നു. ദൈവ​ത്തിൽനി​ന്ന​ല്ലാ​തെ
ഒരു അധികാ​ര​വു​മില്ല. നിലവി​ലുള്ള അധികാ​രി​കളെ അതാതു സ്ഥാനങ്ങളിൽ
നിറു​ത്തി​യി​രി​ക്കു​ന്നതു ദൈവ​മാണ്‌. സർക്കാരുകളുടെ അധികാരവും
പ്രവർത്തനവും ദൈവം നിയമിച്ചതിനാലും ക്രമീകരിച്ചതിനാലും സിവിൽ
ഗവൺമെന്റുകൾ അവന്റെ അധികാരത്തിന്റെ വിപുലീകരണമാണ്. സർക്കാർ ഉദ്യോഗസ്ഥരെ ; ദൈവത്തിന്റെ ശുശ്രൂഷകർ; എന്ന് അഭിസംബോധന
ചെയ്തിരിക്കുന്നു.(റോമർ 1:4). കാരണം അവർ “ദുഷ്‌പ്രവൃത്തിക്കാരുടെ ശിക്ഷയ്‌ക്കും നന്മ ചെയ്യുന്നവരുടെ പ്രശംസയ്‌ക്കും” വേണ്ടി ദൈവത്താൽ നിയോഗിക്കപ്പെട്ടവരാണ്. (1 പത്രോസ്‌ 2:14) നീതി നടപ്പാക്കുക എന്ന ദൈവീകോദ്ദേശ്യം നിറവേറ്റുന്നവരാണ് അവർ. ‘മനുഷ്യ​രെ ഭരിക്കു​ന്നവൻ നീതി​നി​ഷ്‌ഠ​രായിരിക്കണമെന്നും, ദൈവ​ഭ​യത്തോ​ടെ അവൻ ഭരണം നടത്തേണ്ടതുണ്ട് എന്നും ബൈബിൾ അനുശാസിക്കുന്നു. (2 ശമുവേൽ 23:3). സാക്ഷാൽ ദൈവമക്കൾ അല്ലാതെ വേറേ ആരാണ് ദൈവഭയമുള്ളവരും നീതി നടപ്പാക്കുന്നതിൽ തല്പരരും?

യൂ.എസ് സ്റ്റേറ്റ് ഡിപ്പാർട്മെൻറ് പുറത്തുവിട്ട റിപ്പോർട്ടിൽ ന്യൂനപക്ഷ മത സ്വാതന്ത്ര്യം മോശമായിക്കൊണ്ടിരിക്കുന്ന ലോകത്തിലെ പത്തു രാജ്യങ്ങളിൽഇന്ത്യയും ഉൾപ്പെടുന്നു. ഭരണകൂടം മാത്രമല്ല കോടതികളും ക്രൈസ്തവർ നേരിടുന്ന പ്രശ്നങ്ങളോട് അനുഭാവപൂർവ്വമായ സമീപനമല്ല കൈക്കൊള്ളുന്നത്.കഴിഞ്ഞ ദിവസം സുപ്രീം കോടതി നടത്തിയ ചില നിരീക്ഷണങ്ങൾ അതാണ് വെവെളിവാക്കുന്നത്. ഇത്തരം സന്ദർഭങ്ങളിൽ നീതി നടപ്പാക്കാൻ ക്രിസ്ത്യാനികൾ കൂടുതലായി രാഷ്ട്രീയത്തിൽ ഇടപെടുകയും അധികാരസ്ഥാനങ്ങളിൽ
എത്തിപ്പെടുകയും ചെയ്യേണ്ടതുണ്ട്.

പെന്തെക്കോസ്തുകാർ ഉൾപ്പെടെയുള്ള വിശ്വാസി സമൂഹം ഇന്ന് കേരളത്തിലെ അവഗണിക്കപ്പെടാൻ പറ്റാത്ത വോട്ട് ബ്ലോക്ക് ആണ്. ഈ സാഹചര്യം മുതലാക്കി രാഷ്ട്രീയ നീക്കങ്ങൾ നടത്തുകയും സർക്കാരിന്റെ നയ രൂപീകരണത്തിൽ നിർണ്ണായകമായ പങ്ക് വഹിക്കാൻ ഇടപെടുകയും വേണം. കൂടാതെ സർക്കാർ ഉദ്യോഗങ്ങൾ നേടാനും സിവിൽ സർവീസ് പരീക്ഷകളിൽ പങ്കെടുക്കുവാനും നമ്മുടെ കുട്ടികളെ പരിശീലിപ്പിക്കുകയും ചെയ്യേണ്ടതുണ്ട്. രാജ്യത്തിൻറെ ഭരണചക്രം തിരിക്കുന്നതിൽ മുഖ്യ പങ്കാളിത്തം വഹിച്ചെങ്കിൽ മാത്രമേ ഇനിയുള്ളകാലം സ്വസ്ഥമായ ജീവിതവും അഭിവൃദ്ധിയും നമുക്ക് സാധ്യമാകയുള്ളു.

എസ്ഥേറിനെ രാജ്ഞിപദവിയിൽ എത്തിച്ചു യഹൂദന്മാർക്കെതിരെ ഉണ്ടാകാമായിരുന്ന വലിയ പീഡകളെ ഒഴിവാക്കിയ മൊർദെഖായിയുടെ ചരിത്രം നമുക്ക് മാതൃകയാവട്ടെ.

ജോയിൻ ചെയ്യുവാൻ ഇവിടെ ക്ലിക് ചെയ്യുക

തിരുവനന്തപുരത്ത് വീടും സ്ഥലവും വിൽപ്പനക്ക്

തിരുവനന്തപുരം കേശവദാസപുരത്തിനടുത്ത് മുട്ടടയിൽ 63 സെൻറ് സ്ഥലവും ഇരുനില വീടുംവിൽപ്പാനുണ്ട് ബന്ധപ്പെടുക (പ്രതീക്ഷിക്കുന്ന വില 5 കോടി രൂപ)
PH : 8848067745