തിരുവത്താഴ പാത്രങ്ങൾ വിൽപ്പന ആരംഭിച്ചു.

റവ.ഡോ. കെ.സി. ജോണിൽ നിന്ന് പാസ്റ്റർ പ്രിൻസ് തോമസ് ആദ്യ സെറ്റ് ഏറ്റുവാവാങ്ങുന്നു

തിരുവത്താഴ പാത്രങ്ങൾ വിൽപ്പന ആരംഭിച്ചു.

ഹാലേലൂയ്യാ ബുക്സ് പുറത്തിറക്കിയ തിരുവത്താഴ പാത്രങ്ങളുടെ ഔദ്യോഗിക റിലീസിംഗ് നടന്നു. റവ.ഡോ. കെ.സി. ജോണിൽ നിന്ന് പാസ്റ്റർ പ്രിൻസ് തോമസ് ആദ്യ സെറ്റ് ഏറ്റുവാങ്ങി. പാസ്റ്റർ രാജു പൂവക്കാല അധ്യക്ഷതവഹിച്ചു. പാസ്റ്റർ സാംകുട്ടി ചാക്കോ നിലമ്പൂർ ആമുഖ പ്രസ്താവന നടത്തി.

കോവിഡ് കാലഘട്ടം ലോകം മുഴുവൻ ജീവിത രീതികളെ സമൂലമായി മാറ്റി മറിച്ചു. ആരാധനാ രീതികളിലും മാറ്റം വന്നിരിക്കുന്നു. കേരളത്തിലെ പെന്തെക്കോസ്ത് സഭകളിൽ വിശുദ്ധ തിരുവത്താഴ ശുശ്രൂഷ ഇതുവരെ നടന്നിരുന്നത് ഒരേ ഗ്ലാസിൽ നിന്ന് എല്ലാവരും പാനം ചെയ്യുന്ന രീതിയിലായിരുന്നു. പുതിയ സാഹചര്യത്തിൽ ഓരോരുത്തർക്കും വ്യത്യസ്തമായ കപ്പുകളിൽ വീഞ്ഞു് കൊടുക്കതക്ക നിലയിലുള്ള തിരുവത്താഴ പാത്രം അനിവാര്യതയാകുന്നു.

ഈ സാഹചര്യത്തിൽ ഉന്നത ഗുണനിലവാരത്തിൽ പരമാവധി കുറഞ്ഞ വിലയിൽ സഭകൾക്ക് തിരുവത്താഴ പാത്രങ്ങൾ നൽകുവാൻ ഹാലേലുയ്യ പരിശ്രമിച്ചു. കോവിഡ് കാലത്തിൻ്റെ പ്രതിസന്ധികൾക്കിടയിലും മനോഹരമായ തിരുവത്താഴ പാത്രങ്ങൾ പുറത്തിറക്കുവാൻ സാധിച്ചു. മുൻകൂട്ടി ബുക്ക് ചെയ്തവർക്ക് പാത്രങ്ങൾ നൽകി തുടങ്ങി. കൊറിയർ വഴി ഇന്ത്യയിലും വിദേശത്തും കമ്യൂണിയൻ സെറ്റ് എത്തിച്ചുകൊടുക്കും

ഓരോ ട്രേയിലും 40 കപ്പുകൾ വെക്കാവുന്ന വിധത്തിലാണ് സ്‌റ്റെയിൻലസ് സ്റ്റീലിൽ പാത്രങ്ങൾ നിർമ്മിച്ചിരിക്കുന്നത്. ആളുകളുടെ എണ്ണം അനുസരിച്ച് ആവശ്യമുള്ളത്രയും ട്രേകൾ ഒന്നിനു മുകളിൽ ഒന്നായി  വയ്ക്കത്തക്ക നിലയിലാണ് ഡിസൈൻ ചെയ്തിരിക്കുന്നത്. കപ്പുകൾ റീ യൂസ് ചെയ്യാവുന്ന ഫുഡ് ഗ്രേഡ് പ്ലാസ്റ്റിക്കിൽ നിർമ്മിച്ചവയാണ്.

പാത്രങ്ങൾ ആവശ്യമുള്ളവർ ബന്ധപ്പെടേണ്ടുന്ന ഫോൺ നമ്പരുകൾ:
9349500155,  9526972983, 9562449012