hallelujah-പ്രതിദിന ധ്യാനം

തോംസൺ പത്തനാപുരം
അളവുകൂടാത്ത ആത്മാവിനെ പ്രാപിക്കാം

ദൈവം അയച്ചവൻ ദൈവത്തിൻ്റെ വചനം പ്രസ്താവിക്കുന്നു; അവൻ ആത്മാവിനെ അളവുകൂടാതെയല്ലോ കൊടുക്കുന്നത്.
യോഹന്നാന്‍ 3:34

നിത്യ ജീവിതത്തിൽ അളവിന് വളരെയധികം പ്രാധാന്യമുണ്ട്. ചെറുപ്പത്തിൽ അമ്മ ഭക്ഷണം വിഭാഗിച്ചു നൽകുന്നത് മുതൽ നാം വിവിധ അളവുകൾ തിരിച്ചറിയുകയാണ്. അളവുകളിലെ ഏറ്റക്കുറച്ചിലുകൾ പലപ്പോഴും വഴക്കുകളിലാണ് അവസാനിക്കാറുള്ളത്. അളവുകൾക്ക് എല്ലായിപ്പോഴും മാനദണ്ഡങ്ങളുണ്ട്.

ഒരു കൃഷിയിടത്തിലെ എഥേറിൻ്റെ ജീവിതം അവളുടെ വിദ്യാഭ്യാസ അവസരങ്ങളെ നിയന്ത്രിച്ചുവെങ്കിലും, ദൈവവചന പാരായണത്തിൽ അവൾ ആവേശം കണ്ടെത്തി. വചനത്തോടുള്ള അവളുടെ ദാഹം അവളുടെ സാഹചര്യങ്ങൾക്ക് അതീതമായ ജ്ഞാനം അവൾക്ക് നൽകി. അവളുടെ പിന്നീടുള്ള വർഷങ്ങളിൽ, കാഴ്ചശക്തി കുറവായതിനാൽ, റെക്കോർഡുകളും ടേപ്പുകളും കേട്ട് അവൾ വചനം പഠിച്ചു. തിരുവെഴുത്തുകൾ ഉദ്ധരിക്കാനുള്ള അവളുടെ കഴിവ് ശ്രദ്ധേയമായിരുന്നു.

നമുക്ക് നിത്യജീവൻ നൽകുവാനായി പിതാവിനാൽ അയക്കപ്പെട്ട യേശു, പിതാവിനെ കുറിച്ച് സാക്ഷ്യം പറയുന്നു. സത്യമായ യേശുവിൽ വിശ്വസിക്കുന്നവർക്ക് മാനദണ്ഡങ്ങൾ കൂടാതെ പിതാവാം ദൈവം ആത്മാവിനെ നൽകുന്നു. ലോകത്തിൽ സകലരും അളന്നുമുറിച്ച് മാത്രമാണ് എന്തും നൽകുന്നത്. പിതാവാം ദൈവം ഒരുവൻ മാത്രമേ അളവു കൂടാതെ നമ്മെ നിറക്കുന്നത്.

എഥേറിനെ പോലെ അവനിൽ നിന്നും അളവു കൂടാത്ത അനുഗ്രഹം പ്രാപിക്കാം. ആത്മാവിനാൽ ദിനവും നിറയാം.