പുതിയ കൃപ

നാം മുടിഞ്ഞുപോകാതിരിക്കുന്നത് യഹോവയുടെ ദയ ആകുന്നു; അവൻ്റെ കരുണ തീർന്നുപോയിട്ടില്ലല്ലോ; അതു രാവിലെതോറും പുതിയതും നിൻ്റെ വിശ്വസ്തത വലിയതും ആകുന്നു. വിലാപങ്ങള്‍ 3:22‭-‬23

തെറ്റുകൾ ചെയ്യാത്തവരായി ആരുമില്ല. എന്നാൽ പലപ്പോഴും കുറ്റബോധം നാം ഒരുപാട് നാൾ ചുമന്നു നടക്കാറുണ്ട്. അത് നാം എല്ലാകാലത്തും കൊണ്ടു നടക്കേണ്ടതില്ല. അതുകൊണ്ടാണ് വേദപുസ്തകം പറയുന്നത് അവൻ്റെ കരുണ തീർന്നു പോയിട്ടില്ലല്ലോ. നാം എന്തു പറഞ്ഞു എന്നോ, എന്തു ചെയ്തു എന്നതോ പ്രസക്തമല്ല. അവൻ്റെ കരുണയാണ് പ്രസക്തം.

ദൈവത്തിൻ്റെ കരുണ ഇന്നും നമുക്ക് ലഭ്യമാണ്. കരുണ നമ്മെ ശക്തികരിക്കുന്നതാണ്. അതു നമ്മെ പഴയതിനെ പിന്തള്ളി അവനിലുടെ പുതിയതിലേക്ക് നയിക്കുന്നു. ഇന്നലത്തേത് തീർന്നു പോയിരിക്കുന്നു. എന്നാൽ എല്ലാദിവസവും അവൻ അത് പുതുക്കുന്നു. അനുതപിച്ച് തെറ്റായ പ്രവർത്തികൾ വിട്ടു പിരിയുമ്പോൾ അവൻ തൻ്റെ ദയ നമുക്ക് നൽകുന്നു. അതുകൊണ്ട് വേദപുസ്തകം പറയുന്നു ക്രിസ്തുയേശുവിൽ ഉള്ളവർക്ക് ഒരു ശിക്ഷാവിധിയും ഇല്ല.

ഹൃദയം തുറന്ന് അത് സ്വീകരിക്കുക. ദൈവത്തിനും നിങ്ങൾക്കുമിടയിൽ ഇന്ന് എന്തെങ്കിലും ഉണ്ടെന്നു തോന്നുന്നു എങ്കിൽ അവനെ വിളിച്ചപേക്ഷിക്കുവാൻ ഒരു നിമിഷം എടുക്കുക. അവൻ്റെ കരുണയിൽ ആശ്രയിക്കുക. അവനോട് ഒരു നിമിഷം അപേക്ഷിക്കുക. അവനോട് ക്ഷമ പ്രാപിക്കുക. അവൻ നമ്മെ കഴുകി ശുദ്ധീകരിക്കുവാൻ ഇന്നും തയ്യാറാണ്. ഇന്നലത്തെ കുറ്റബോധം ഇനിയും കൊണ്ടു നടക്കരുത്. ഒരു പുതുക്കലിനായി അവനിൽ ആശ്രയിക്കുക. ആത്മശാന്തിക്കായി നമ്മെത്തന്നെ ഏൽപ്പിക്കാം. നമ്മുടെ ജീവിതത്തിൽ അവൻ ഇന്ന് ചെയ്യുന്ന പ്രവർത്തികൾക്കായി അവനെ സ്തുതിക്കാം.