hallelujah- പ്രതിദിന ധ്യാനം

ജസ്റ്റിൻ കായംകുളം

യബ്ബേസ് തൻ്റെ സഹോദരന്മാരെക്കാൾ ഏറ്റവും മാന്യൻ ആയിരുന്നു; അവൻ്റെ അമ്മ: ഞാൻ അവനെ വ്യസനത്തോടെ പ്രസവിച്ചു എന്നു പറഞ്ഞു അവന്നു യബ്ബേസ് എന്നു പേരിട്ടു.
1 ദിനവൃത്താന്തം 4:9

നൊന്ത് പെറ്റ അമ്മ അവനെ വിളിച്ചു വ്യസനപുത്രൻ ! പെറ്റമ്മയ്ക്കുപോലും ഒരു വേദനയായവൻ, ആർക്കും കൂടെ നിർത്താൻ താല്പര്യമില്ലാത്തവൻ യബേസ്.

എന്നാൽ ഒറ്റ പ്രാർത്ഥനയിൽ അവൻ്റെ സാഹചര്യങ്ങൾ മാറി മറിഞ്ഞു. ധൈര്യത്തോടെ തൻ്റെ ദൈവത്തോട് വിശ്വാസം കൈവിടാതെ പ്രാർത്ഥനയിൽ തുടർന്നു.

“നീ എന്നെ അനുഗ്രഹിക്കണം ”

യബേസ് അവൻ്റെ സഹോദരന്മാരേക്കാൾ മാന്യനായി തീർന്നു. ദൈവം അവനെ അനുഗ്രഹിച്ചു.. ഒരു ചരിത്രമായി വേദപുസ്തകത്തിൽ ഇന്നും യബേസിൻ്റെ സാക്ഷ്യം നിലകൊള്ളുന്നു.

നിൻ്റെ ജീവിതവും ഒരു വലിയ ചരിത്രമാകാൻ പോകുന്നു
..വിശ്വസിക്കാമോ?

അതെ, പ്രിയപ്പെട്ട സ്നേഹിതാ താങ്കൾ മാതാപിതാക്കൾക്കോ, സഹോദരങ്ങൾക്കോ, മറ്റുള്ളവർക്കോ ഒരു വ്യസനമാണെന്ന പഴി, കുത്തുവാക്കുകൾ കേൾക്കാറുണ്ടോ..

ജീവിതത്തിൽ ഇനിയൊരു ഉയർച്ച ഉണ്ടാകില്ലെന്ന് ചിന്തിച്ചു നിരാശപ്പെട്ടിരിക്കയാണോ, യബേസ്സിനെ പോലെ ദൈവത്തിൽ ആശ്രയിച്ചു പ്രാർത്ഥിക്കുക. ദൈവം നിന്നെ മാനിക്കും. നിൻ്റെ പ്രാർത്ഥനകൾക്ക് അവൻ വേഗം ഉത്തരം തരും.