പ്രതിദിന ധ്യാനം| ദർശിക്കാം, ദർശകരാകാം| പാസ്റ്റർ ബിമൽ ജോസഫ്

അവങ്കലേക്കു നോക്കിയവർ പ്രകാശിതരായി; അവരുടെ മുഖം ലജ്ജിച്ചു പോയതുമില്ല -സങ്കീർത്തനം 34:5

ദർശിക്കാം, ദർശകരാകാം 

ജീവിതം എപ്പോഴും പ്രകാശ സമാനമായിരിക്കില്ല, എന്നറിയാമെങ്കിൽപ്പോലും മറിച്ചൊന്ന് സംഭവിച്ചാൽ നാം അങ്കലാപ്പിൽ ആകാറുള്ളത് സർവ്വസാധാരണമാണ്.

ആ സമയത്ത് ചിലർ സ്വയം പഴിയ്ക്കും; മറ്റുള്ളവരെ പഴി പറയും. മുഴുവനും ഇരുട്ടിൽ ആയിരിക്കുമ്പോൾ എവിടെങ്കിലും ഒരു മെഴുകുതിരി വെളിച്ചം തെളിഞ്ഞാൽ നാം അവിടേയ്ക്ക് ശ്രദ്ധിക്കാറില്ലേ?

തിരുവെഴുത്ത് ശ്രദ്ധിക്കുക, ദൈവത്തിങ്കലേക്കു നോക്കിയവർ പ്രകാശിതരായി; അവരുടെ മുഖം ലജ്ജിച്ചുപോയതുമില്ല. കർത്താവിങ്കലേക്ക് നോക്കിയവർ പ്രകാശിതരാകും ഉറപ്പാണ്. ആകുമായിരിക്കാം എന്നല്ല. പ്രകാശിതനായ ഒരു ഭക്തന്റെ സാക്ഷ്യമാണത്.

ജീവിതത്തിലെ പ്രതിസന്ധികളുടെ നടുവിൽ നില്ക്കുമ്പോഴാണ് ദൈവീക പ്രകാശം ദർശിക്കാൻ ഏറ്റവും നല്ല അവസരം. പ്രകാശം ദർശിക്കാനും പ്രകാശമായ് മാറാനും സ്വയം പ്രകാശിക്കാനും നല്ല അവസരം വേറൊന്നില്ല. അവിടുത്തേക്ക് നോക്കാം, നമുക്കും പ്രകാശിക്കാം.