പ്രതിദിന ധ്യാനം -പ്രിയനിലൂടെ പൂർണജയം

തോംസൺ പത്തനാപുരം
നാമോ നമ്മെ സ്നേഹിച്ചവൻ മുഖാന്തരം ഇതിലൊക്കെയും പൂർണജയം പ്രാപിക്കുന്നു.
റോമര്‍ 8:37

ക്രിസ്‌തുനിമിത്തം പീഡിപ്പിക്കപ്പെടുന്നവരെകുറിച്ചുള്ള ഏറ്റവും ഹൃദയസ്പർശിയായ പുസ്തകമാണ് ‘ടോർച്ചെർഡ് ഫോർ ക്രൈസ്റ്റ്’ . രചയിതാവ് യഹൂദ വംശജനായ റൊമാനിയൻ ഇവാഞ്ചലിസ്റ്റ് റിച്ചാർഡ് വുംബ്രാൻഡ് – (നിക്കോളായ് അയോനെസ്കു എന്നും അറിയപ്പെടുന്നു). ജയിലിൽ കിടന്നിട്ടും യേശുവിനോടുള്ള അമ്മയുടെ അചഞ്ചലമായ അഭിനിവേശം കണ്ടാണ്. അദ്ദേഹം ക്രിസ്തുവിനെ സ്വീകരിച്ചത്.

പലതവണ അദ്ദേഹം ജയിലിലടയ്ക്കപ്പെട്ടു. ക്രൂരമായ മർദ്ദനങ്ങൾക്കു വിധേയനായി. തൻ്റെ ശരീരം പലവിധത്തിൽ വികൃതമാക്കപ്പെട്ടു. മാംസം കീറുന്നതുവരെ തന്നെ അടിക്കുകയും പിന്നീട് വീണ്ടും അസ്ഥിയിൽ അടിച്ചു. ശരിരതിന്റെ ചില ഭാഗങ്ങൾ കത്തിക്കുക, വലിയ ശീതീകരിച്ച ഐസ് ബോക്സിൽ പൂട്ടിയിടുക എന്നിവ പീഡനത്തിൽ ഉൾപ്പെടുന്നു. ജീവിതകാലം മുഴുവൻ ശാരീരിക പീഡനത്തിൻ്റെ പാടുക്കൾ അദ്ദേഹത്തിൻ്റെ ശരീരം വഹിച്ചു.

1966 മെയ് മാസത്തിൽ യുഎസ് സെനറ്റിൻ്റെ ആഭ്യന്തര സുരക്ഷാ ഉപസമിതിക്ക് മുമ്പിൽ അദ്ദേഹം തൻ്റെ അനുഭവങ്ങൾ വിവരിച്ചു.

1967 ഏപ്രിലിൽ, വുംബ്രാൻഡ്സ് യേശുവിനെ കമ്മ്യൂണിസ്റ്റുകൾക്കിടയിൽ സുവിശേഷികരിക്കുന്നതിനായി ‘ജീസസ് ടു കമ്മ്യൂണിസ്റ്റ് വേൾഡ്’ എന്ന സംഘടന രൂപീകരിച്ചു (പിന്നീട് ‘രക്തസാക്ഷികളുടെ ശബ്ദം’ എന്ന് പുനർനാമകരണം ചെയ്തു). കമ്യൂണിസ്റ്റ് രാജ്യങ്ങളിലെ ക്രിസ്ത്യാനികളുമായി തുടക്കത്തിൽ പ്രവർത്തിച്ചുകൊണ്ടിരിക്കുന്ന ഒരു സ്വതന്ത്ര സംഘടനയാണ് ഇത്. എന്നാൽ പിന്നീട് മറ്റ് സ്ഥലങ്ങളിൽ, പ്രത്യേകിച്ച് മുസ്‌ലിങ്ങളൾക്കിടയിൽ പീഡിപ്പിക്കപ്പെടുന്ന വിശ്വാസികളെ സഹായിക്കുന്നതിനായി അതിൻ്റെ പ്രവർത്തനങ്ങൾ വിപുലീകരിച്ചു.

അദ്ദേഹത്തിൻ്റെ ഏറ്റവും അറിയപ്പെടുന്ന പുസ്തകം ടോർച്ചേർഡ് ഫോർ ക്രൈസ്റ്റ് എന്ന പേരിൽ 1967 ൽ പ്രസിദ്ധീകരിച്ചു. വ്റുംബ്രാൻഡ് 18 പുസ്തകങ്ങൾ ഇംഗ്ലീഷിലും മറ്റുള്ളവ റൊമാനിയൻ ഭാഷയിലും എഴുതി. അവയിൽ പലതിലും കമ്മ്യൂണിസത്തിനെതിരെ വളരെ ധൈര്യത്തോടെയും ധീരമായും എഴുതി; എന്നിട്ടും തന്നെ പീഡിപ്പിച്ചവരോട് അദ്ദേഹം പ്രത്യാശയും അനുകമ്പയും കാത്തുസൂക്ഷിച്ചു. “ഞാൻ പീഡകരെ കാണുന്നത് ഭാവിയിൽ അപ്പോസ്തലനായ പലോസിനെയും… പിന്നീട് വിശ്വാസി ആയി മാറിയ ഫിലിപ്പിയിലെ ജയിലറെയുമാണ്…”

വിശുദ്ധ വേദപുസ്തകത്തിൽ രേഖപ്പെടുത്തിയിരിക്കുന്ന ക്രിസ്തു ഭക്തരിൽ അചഞ്ചലമായ ക്രിസ്തു സ്നേഹത്തിന് അനിഷേധ്യമായ ഉദാഹരണമാണ് അപ്പസ്തോലനായ പൗലോസ്. പൗലോസ് ‘ഇതിലൊക്കെയും’ എന്ന പദം ഇവിടെ ഉപയോഗിച്ചിരിക്കുന്നത് കഷ്ടത സങ്കടം ഉപദ്രവം പട്ടിണി നഗ്നത ആപത്ത് വാള് എന്നീ പദങ്ങളെ സൂചിപ്പിക്കുവാനാണ്. ക്രിസ്തുവിൻ്റെ സ്നേഹം ഇവയെല്ലാം ജയിക്കുവാൻ നമ്മെ പ്രാപ്തരാക്കുന്നു.

നമ്മുടെ കാലഘട്ടത്തിൽ ജീവിച്ചിരുന്ന അചഞ്ചലമായ ക്രിസ്തു സ്നേഹത്തിന്റെ ജയ കൊടി ഉയർത്തിയ പച്ചയായ മനുഷ്യന് ഉദാഹരണമാണ് വുംബ്രാൻഡ്. 2001 ൽ തൻ്റെ ജീവിതയാത്ര അവസാനിച്ചുവെങ്കിലും പീഡകരുടെ തീപന്തത്തെക്കാളുപരി താൻ കത്തിച്ച ക്രിസ്തീയ ജീവിതവീക്ഷണം കോടിക്കണക്കിന് വിശ്വാസികളുടെ ഹൃദയത്തിൽ ഇന്നും കത്തിജ്വലിച്ചു കൊണ്ടിരിക്കുന്നു. അതിനു തന്നെ പ്രാപ്തനാക്കിയത് പൗലോസ് പരിശുദ്ധാത്മാവിനാൽ കത്തിച്ച ജ്വാലയാണ്.

ക്രിസ്തു സ്നേഹത്തിൻ്റെ ആഴം തിരിച്ചറിയാം. നാം ഉറച്ചുനിന്നാൽ യാതൊരു സൃഷ്ടിക്കുംക്കും സ്നേഹത്തിൽ നിന്ന് നമ്മെ വേർപിരിക്കുവാൻ കഴിയുകയില്ല. പ്രാണപ്രിയനിൽ ആശ്രയിക്കാം. പൂർണ്ണജയം പ്രാപിക്കാം.