Hallelujah-പ്രതിദിന ധ്യാനം

 സാംകുട്ടി ചാക്കോ നിലമ്പൂർ

-എന്തുകൊണ്ട് പുതിയ നിയമനം?

സ്വർഗ്ഗരാജ്യം തൻ്റെ മുന്തിരി തോട്ടത്തിൽ വേലക്കാരെ വിളിച്ചാക്കേണ്ടതിനു പുലർച്ചെക്ക് പുറപ്പെട്ട വീട്ടുടയവനാട് സദൃശം
(മത്താ. 20:1)

മുന്തിരി തോട്ടത്തിൽ 5 തവണയായായി അഞ്ചു ഗ്രൂപ്പ് ആളുകളെ ജോലിക്ക് നിയോഗിച്ച ഒരു യജമാനൻ്റെ കഥ യേശുക്രിസ്തു പറഞ്ഞിട്ടുണ്ട്. (മത്താ. 20:1-16). എല്ലാവർക്കും ഒരു പോലെ പ്രതിഫലം നൽകിയ യജമാനൻ്റെ കഥയാണത്. അവിടെ നിന്ന് വ്യത്യസ്തമായ ഒരു ചിന്ത

യജമാനൻ ആദ്യം പുലർച്ചെ ചെന്ന് ഒരു കൂട്ടം ആളുകളെ വിളിച്ച് അവരോട് കൃത്യമായി എത്ര ശമ്പളം തരും എന്ന വാഗ്ദാനത്തോടെ ഒരു ജോലി നൽകി. സത്യത്തിൽ ആ ജോലി ആദ്യം നിയമിക്കപ്പെട്ട തൊഴിലാളികൾക്ക് ചെയ്ത് തീർക്കാനുള്ള ജോലിയേ ഉണ്ടായിരുന്നുള്ളു.

ജോലി ആരംഭിച്ച്‌ ചില മണിക്കൂറുകൾ കഴിഞ്ഞ് യജമാനൻ തോട്ടത്തിലെത്തി ജോലി നിരീക്ഷിച്ചു. അപ്പോൾ അദ്ദേഹത്തിനു മനസിലായി ഇവർ ജോലിയിൽ അലസരോ മടിയരോ ആണ്. ഇവർ പറഞ്ഞ സമയമത്രയും അധ്വാനിച്ചാലും ജോലി പൂർത്തിയാക്കാനാവില്ല. യജമാനൻ ആരോടും കോപിച്ചില്ല, ആരെയും പിരിച്ചു വിട്ടില്ല, (ലോകത്തിനു പരിചയമില്ലാത്ത ഒരു തൊഴിലുടമ) അദ്ദേഹം പുതിയ ഒരു കൂട്ടം തൊഴിലാളികളെ കൂടെ നിയമിച്ചു.

വീണ്ടും രണ്ടു മണിക്കൂർ കഴിഞ്ഞ് ജോലി നിരീക്ഷിച്ചു. നിയമിക്കപ്പെട്ട രണ്ടാം ഗ്രൂപ്പ് തൊഴിലാളികളും ഒന്നാം ഗ്രൂപ്പിനെ അനുകരിച്ച് ജോലി ഉഴപ്പിയെന്ന് യജമാനന് ബോധ്യമായി.

അദ്ദേഹം പുതിയ ഒരു ഗ്രൂപ്പിനെ നിയമിച്ചു.ഈ പ്രോസസ് വൈകുന്നേരം വരെ തുടർന്നു. അങ്ങനെ മൊത്തം 5 ഗ്രൂപ്പ് ജോലി ചെയ്തു. യജമാനന് ഒരു കാര്യത്തിൽ നിർബന്ധം ഉണ്ടായിരുന്നു. ജോലി പൂർത്തിയാകണം!

ചിന്തിക്കുക:
യജമാനൻ ഏൽപ്പിച്ച ജോലിയിൽ നാം എത്രമാത്രം വിശ്വസ്തരാണ്?
നാം നിയമിക്കപ്പെട്ടത് നമ്മുടെ സാമർത്ഥ്യമോ തൊഴിൽ നിപുണതയോ കൊണ്ടല്ല. യജമാനൻ്റെ കൃപകൊണ്ടാണ്.( ആദ്യ ഗ്രൂപ്പിനു മാത്രമേ ജോലിക്കുള്ള യോഗ്യത ഉണ്ടായിരുന്നുള്ളു)
നാം ജോലിയിൽ നിന്ന് പിരിച്ചു വിടപ്പെടുന്നില്ല എന്നത് യജമാനൻ്റെ കരുണ മാത്രമാണ്.

പ്രാർത്ഥന
സ്വർഗീയ പിതാവേ അങ്ങ് എന്നെയും തിരഞ്ഞെടുത്തതിന് നന്ദി. എൻ്റെ അവിശ്വസ്തതകൾ പൊറുക്കേണമേ, അങ്ങയുടെ ഹിതം നിറവേറ്റാൻ ഞാൻ ഒരിക്കലൂടെ സമർപ്പിക്കുന്നു. ആമേൻ!