വിമാന ദുരന്തത്തിൽ നിന്ന് സുവിശേഷകനും ഭാര്യക്കും അത്ഭുത വിടുതൽ

കോഴിക്കോട്: കരിപ്പൂർ വിമാന ദുരന്തത്തിൽ നിന്ന് രക്ഷപെട്ടവരിൽ സുവിശേഷകനും ഭാര്യയും. മാലാപറമ്പ് കമലാപറമ്പിൽ സുവി.വിജയമോഹനും ഭാര്യ ജമീമയുമാണ് അപകടത്തിൽ പെട്ട എയർ ഇന്ത്യാ എക്സ് പ്രസ് വിമാനത്തിൽ ഉണ്ടായിരുന്നത്. എക്ലീഷ്യാ ദൈവസഭയിലെ ആദ്യകാല സുവിശേഷകൻ്റെ മകൾ കൂടെയായ ജെമീമക്ക് കണ്ണിന് സമീപം പരിക്കുണ്ട്. കോഴിക്കോട് ബേബി മെമ്മോറിയൽ ആശുപത്രിയിൽ ചികിത്സയിലാണ്.

വിജയമോഹൻ പരുക്കകളില്ലാതെ രക്ഷപെടുകയായിരുന്നു. കണ്ണൂർ സ്വദേശിയായ ഇദ്ദേഹം ദീർഘനാളുകളായി മാലാപറമ്പിലാണ് താമസം. മലാപ്പറമ്പ് ഐ.പി.സി. സഭാംഗമാണ്.
നട്ടല്ലിന് ക്ഷതം പറ്റിയ വരെ സഹായിക്കുന്ന ചാരിറ്റി പ്രവത്തനങ്ങളിൽ സജീവമാണ്.
മകനെ സന്ദർശിക്കാൻ ഷാർജയിലെത്തിയ ഇവർ ലോക്ഡൗണിൽ അകപ്പെട്ട് മടക്കയാത്ര വൈകിയതായിരുന്നു.
വാർത്ത : റോയ് ചീരൻ്റെ സഹായത്തോടെ