23 Saturday September . 2023

പ്ലസ്ടുവിന് ശേഷം എങ്ങോട്ട്? ഒരു ഗൗരവമേറിയ ചോദ്യമാണിത്. അനുയോജ്യമായ കരിയർ’ വിദ്യാർത്ഥിയുടെ ആവശ്യമാണ്. ഡിജിറ്റൽ യുഗത്തിൽ എക്സ്പേർട്ടിന്റെ സഹായം ശരിയായ കരിയർ തെരഞ്ഞെടുപ്പിന് വിദ്യാർത്ഥികൾക്ക് ഏറെ സഹായകരമാവും. ‘എന്തു പഠിക്കണം?’, ‘എവിടെ പഠിക്കണം? ‘ എന്നീ ചോദ്യങ്ങൾക്ക് ശരിയായ ഉത്തരമാണ് നാം കണ്ടെത്തേണ്ടത്. കോഴ്സ് തെരഞ്ഞെടുക്കുന്നതിന് ശരിയായ ദിശാബോധം നൽകുവാൻ വിദ്യാർത്ഥികൾക്കും രക്ഷിതാക്കൾക്കും വേണ്ടി ഗുരുപാദപീഠം ഒരു കരിയർ ഗൈഡൻസ് പ്രോഗ്രാം ഏപ്രിൽ 2 ഞായറാഴ്ച വൈകിട്ട് 7. 30ന്  സൂo പ്ലാറ്റ്ഫോമിൽ നടത്തുന്നു. പ്രവേശനം സൗജന്യമാണ്.

കരിയർ ഗൈഡൻസ് മേഖലയിൽ എക്സ്പേർട്ടായ അജി ജോർജ്ജ്ക്ലാ സുകൾ നയിക്കും . പാസ്റ്റർ സജി ഡാനിയൽ അധ്യക്ഷത വഹിക്കും. ഡോ. ജെയിംസ് ജോർജ് വെണ്മണി ഉദ്ഘാടന പ്രസംഗം നടത്തും. എഴുത്തുകാരനും മാധ്യമപ്രവർത്തകനുമായഷാജൻ ജോൺ ഇടയ്ക്കാടാണ് മാസ്റ്റർ ഓഫ് സെറിമണി. ആനി രാജു സംഗീതം ആലപിക്കും. QA സെക്ഷനും ഉണ്ടായിരിക്കും.

Mob: 8606314213

Zoom ID 5346329895

Password 1234

https://us02web.zoom.us/j/5346329895

ഹാലേലൂയ്യാ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക് ചെയ്ത് വാട്സ്ആപ് ഗൂപ്പിൽ ജോയിൻ ചെയ്യുക

ഡാളസ്: കോട്ടയം അരീക്കര, അറയ്ക്കപറമ്പിൽ പാസ്റ്റർ എ. എം. ജോസഫിന്റെ സഹധർമ്മിണി അന്നമ്മ ജോസഫ് (86)  ഡാളസിൽ വെച്ച് കർതൃ സന്നിധിയിൽ ചേർക്കപ്പെട്ടു.

ഭൗതിക ശരീരം ഏപ്രിൽ 7 വെള്ളിയാഴ്ച വൈകിട്ട് 6 മണി മുതൽ ഐ.പി.സി ഹെബ്രോൻ ഡാളസ് (1751 Wall Street, Garland, Texas 75041) സഭാമന്ദിരത്തിൽ പൊതുദർശനത്തിന് വെയ്ക്കുകയും, തുടർന്ന് അനുസ്മരണ ശുശ്രൂഷയും ഉണ്ടായിരിക്കും. സംസ്കാര ശുശ്രൂഷകൾ ഏപ്രിൽ 8 ശനിയാഴ്ച രാവിലെ 10 ന് അതേ സഭാ മന്ദിരത്തിൽ ആരംഭിക്കുകയും തുടർന്ന് റോളിംഗ് ഓക്സ് (400 Freeport Parkway, Coppell, Texas 75019) സെമിത്തേരിയിൽ ഭൗതീക ശരീരം സംസ്കരിക്കും.

ചിങ്ങവനം കുഴിമറ്റം, ചാലുവേലിൽ കുടുംബാംഗമായിരുന്നു. ഐ.പി.സി. ഹെബ്രോൻ ഡാളസ് സഭാംഗമായിരുന്ന പരേത, 1995 -ൽ അമേരിക്കയിൽ സ്ഥിര താമസം ആക്കുന്നതിന് മുൻപ് രാജസ്ഥാനിൽ 30 വർഷം ഹൈസ്കൂൾ അധ്യാപികയായി സേവനം ചെയ്തിരുന്നു. ഉദയപൂർ ഫിലദൽഫ്യ ഫെലോഷിപ്പ് ചർച്ചസ് ഓഫ് ഇന്ത്യാ സഭകളുടെ പ്രാരംഭ പ്രവർത്തകരിൽ ഒരാളും , ജനറൽ സെക്രട്ടറിയും ആയിരുന്ന ഭർത്താവ്, പാസ്റ്റർ എ.എം ജോസഫിനോടൊപ്പം ഉത്തര ഭാരതത്തിലെ പ്രേഷിത പ്രവർത്തനത്തിൽ പങ്കാളിയായിരുന്നു. പരേതനായ ഡോ.തോമസ് മാത്യുവിന്റെ നേറ്റീവ് മിഷണറി മൂവ്മെന്റിൽ 23 വർഷം സജീവ പ്രവർത്തകരായിരുന്നു കുടുംബം.

മക്കൾ: ആലീസ് മാത്യു, മാത്യു ജോസഫ്

മരുമക്കൾ: ജെയിംസ് മാത്യു, മേഴ്സി തോമസ് .

കൊച്ചു മക്കൾ: ജെസിക്ക , ജോസായാ , ആരൺ.

ഹാലേലൂയ്യാ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക് ചെയ്ത് വാട്സ്ആപ് ഗൂപ്പിൽ ജോയിൻ ചെയ്യുക

നടക്കുകയാണ്. ആവേശത്തോടെയുള്ള നടപ്പ്. ഓരോരുത്തരുടെയും ചിന്ത തങ്ങൾ എത്തിച്ചേരാൻ പോകുന്ന പുതിയ രാജ്യത്തെക്കുറിച്ചാണ്. ആകാശത്തോളം വളർന്ന പ്രതീക്ഷകളുമായി അവർ ഒന്നാം ദിവസം പിന്നിട്ടു. രണ്ടാം ദിവസമായപ്പോഴേക്ക് ചുരയ്ക്കാത്തുരുത്തികളിലെയും തോൽസഞ്ചികളിലെയും അവസാന തുള്ളി വെള്ളവും തീർന്നു. മൂന്നാം ദിവസമായപ്പോൾ ദാഹം കൊണ്ട് തളർന്ന അവർക്ക് യാത്ര നിർത്തണമെന്ന് ആഗ്രഹമുണ്ട്. പക്ഷേ, മുമ്പോട്ടുപോയേ തീരൂ. ചെങ്കടലിൽ ദൈവപ്രവൃത്തി കണ്ട ജനമാണിപ്പോൾ മരുഭൂമിയിൽ മൂന്ന് ദിനം യാത്ര ചെയ്തിട്ടും വെള്ളം കിട്ടാതെ ഭാരപ്പെടുന്നത്.

ഒടുവിൽ അകലെയൊരു തടാകം കണ്ടപ്പോൾ അവർ അവിടേക്ക് ഓടിയെത്തി. പക്ഷേ, അവിടെ ലഭിച്ചതാകട്ടെ കൈപ്പുള്ള വെള്ളം.

ദൈവപൈതലേ, മരുഭൂമിയുടെ അനുഭവത്തിലൂടെ നീയും നടക്കേണ്ടി വന്നിട്ടുണ്ടായിരിക്കാം. ഒരു അത്ഭുതത്തിലൂടെയായിരിക്കാം നീ ഈ ക്രിസ്തീയ യാത്ര ആരംഭിച്ചത്. പക്ഷേ, മരുഭൂമിയിൽ കഠിനമായ അനുഭവങ്ങൾ നിനക്ക് നേരിടേണ്ടിവന്നേക്കാം. നീ ആഗ്രഹിച്ച്ഏറെ പ്രതീക്ഷയോടെ നേടിയെടുക്കുന്നത് കൈപ്പുള്ള അനുഭവങ്ങൾ ആയിരിക്കാം.
പതറിപ്പോകരുത്. പിറുപിറുക്കരുത്.

മാറായിലെ കൈപ്പുള്ള വെള്ളത്തെ മധുരമാക്കി മാറ്റുവാൻ ശക്തിയുള്ളവനാണ് നമ്മുടെ ദൈവം. ഈ ജലാശയത്തെ സൃഷ്ടിച്ചവൻ ഇതിന്റെ കൈപ്പ് മാറ്റാനുള്ള വൃക്ഷവും കൂടെ സൃഷ്ടിച്ചിട്ടുണ്ട്. ഈ യാത്രയിലേക്ക് നിന്നെ കൈപിടിച്ച് ഇറക്കിയവൻ നിന്നോട് കൂടെയുണ്ട്.

ഹാലേലൂയ്യാ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക് ചെയ്ത് വാട്സ്ആപ് ഗൂപ്പിൽ ജോയിൻ ചെയ്യുക

അസംബ്ലീസ് ഓഫ് ഗോഡ് സഭ 190 രാജ്യങ്ങളിലേക്ക്

പെന്തെക്കോസ്ത് അനുഭവമുള്ള ലോകത്തിലെ ഏറ്റവും വലിയ സഭാസമൂഹമാണ് അസംബ്ലീസ് ഓഫ് ഗോഡ്

പോൾ മാള

ലോക അസംബ്ലീസ് ഓഫ് ഗോഡ് സഭയുടെ പ്രഖ്യാപിത ലക്ഷ്യമാണ് സുവിശേഷീകരണവും സഭാസ്ഥാപനവും.
പരിശുദ്ധാത്മാവിന്റെ പ്രവൃത്തിയും സഹായവുമാണ് സഭ സ്ഥാപിതമാകാൻ മുഖാന്തരമായത്.

1906 മുതൽ 1912 വരെ അമേരിക്കയിൽ നടന്ന ഉണർവിന്റെ ഫലമായി ചെറിയ ചെറിയ പ്രാർത്ഥനാ ഗ്രൂപ്പുകൾ അവിടെ രൂപം കൊണ്ടു. രാജ്യമെമ്പാടും ഇങ്ങനെ രൂപം കൊണ്ട പ്രാർത്ഥന ഗ്രൂപ്പുകളെല്ലാം ചേർന്ന് ഒരു കുടക്കീഴിൽ അണിനിരക്കാൻ തീരുമാനിച്ചു. ലോകരാജ്യങ്ങളിലേക്ക് മിഷനറിമാരെ അയച്ച് സുവിശേഷീകരണവും സഭാ സ്ഥാപനവും നടത്തുക എന്നതായിരുന്നു കൗൺസിലിന്റെ പ്രഖ്യാപിത ലക്ഷ്യം. ആ ലക്ഷ്യം ഇന്ന് 190 രാജ്യങ്ങളിൽ എത്തി മുന്നേറുന്നു. കൃത്യമായി പറഞ്ഞാൽ 367398 സഭകൾ. പെന്തെക്കോസ്ത് അനുഭവമുള്ള ലോകത്തിലെ ഏറ്റവും വലിയ സഭാ സമൂഹമായി അസംബ്ലീസ് ഓഫ് ഗോഡ് ലോക രാജ്യങ്ങളിൽ ജൈത്രയാത്ര തുടരുന്നു.
അങ്ങനെ1914 ൽ അമേരിക്കയിലെ ഹോട്ട്സ്പ്രിംഗ് -അർക്കാൻസസിൽ വിളിച്ചു കൂട്ടിയ പ്രാർത്ഥന ഗ്രൂപ്പുകളുടെ മഹാ സമ്മേളനത്തിൽ വച്ചാണ് ഈ ആത്മീയ കൂട്ടായ്മകൾ അവരുടെ ഭാഷയിൽ അസംബ്ലീസ് ഓഫ് ഗോഡ് (ദൈവത്തിന്റെ സഭകൾ ) എന്ന് നാമകരണം ചെയ്തു. അസംബ്ലീസ് ഓഫ് ഗോഡ് എന്ന ഈ പേരിനും ഉണ്ടൊരു ചൈതന്യം.
സുവിശേഷകരും പാസ്റ്റർമാരും ചേർന്ന് 120 പേരായിരുന്നു ആദ്യ കൗൺസിൽ.

വിദ്യാഭ്യാസ സ്ഥാപനങ്ങൾ, ആശുപത്രികൾ, അനാഥാലയങ്ങൾ തുടങ്ങി നിരവധി ജീവകാരുണ്യ പ്രവർത്തന കേന്ദ്രങ്ങളുമുണ്ട്.
1914 ന് ശേഷം ഉടലെടുത്ത സഭ – സംഘടനകളുടെ ആവിർഭാവം പരിശോധിച്ചാൽ മിക്കവയിലും ഒരു ജി ടച്ച് കാണാൻ കഴിയും.
ക്രിസ്തുവിന്റെ ശരീരമാം സഭ സംഘടനയായി (ഓർഗൻ ടു ഓർഗനൈസേഷൻ) രൂപമാറ്റം കൊണ്ടപ്പോൾ അധികാരം മനുഷ്യനിലേക്ക് കേന്ദ്രീകരിച്ചു. അപ്പോൾ അപചയങ്ങളും തുടങ്ങി എന്നത് മറ്റൊരു വസ്തുതയാണ്.

പെന്തക്കോസ്തു അനുഭവമുള്ള ലോകത്തിലെ ഏറ്റവും വലിയ ഈ കൂട്ടായ്മയിലെ അംഗസംഖ്യ ആറ് കോടി കവിഞ്ഞെന്ന വാർത്ത വിനയ പുരസ്‌സരം റിപ്പോർട്ട് ചെയ്യുന്നു. ലോകസുവിശേഷീകരണത്തിൽ മുന്നണി പോരാളിയായി അസംബ്ലീസ് ഓഫ് ഗോഡ് സഭ തുടരുന്നു. “ഫിനിഷ്ഡ് വർക്ക് പെൻറക്കോസ്റ്റൽ ” എന്നതാണ് അസംബ്ലീസ് ഓഫ് ഗോഡ് സഭയുടെ ദൈവശാസ്ത്രം.

ഹാലേലൂയ്യ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക്ക് ചെയ്ത് വാട്സ്ആപ്പ് ഗൂപ്പിൽ ജോയിൻ ചെയ്യുക

നിലമ്പൂർ:ചർച്ച്  ഓഫ് ക്രൈസ്റ്റ് നിലമ്പൂർ സെന്റർ സെക്രട്ടറിയും പാത്തിപ്പാറ കോലേത്ത് വീട്ടിൽ കെ. എസ്. നൈനാന്റെ (റിട്ട : സബ്.ഇൻസ്പെക്ടർ) ഭാര്യയുമായ ഗ്രേസി നൈനാൻ കർത്തൃസന്നിധിയിൽ ചേർക്കപ്പെട്ടു. കൂടാരത്തിൽ കുടുംബാംഗമാണ്. സംസ്കാര ശുശ്രൂഷ ഏപ്രിൽ 4 ചൊവ്വാഴ്ച രാവിലെ 8 മണിക്ക് പാത്തിപ്പാറയിലുള്ള കോലേത്തു ഭവനത്തിൽ ആരംഭിക്കുകയും തുടർന്ന് പുല്ലഞ്ചേരി ചർച്ച ഓഫ് ക്രൈസ്റ്റ് സഭയുടെ സെമിത്തേരിയിൽ 12 മണിക്ക് മൃതദേഹം സംസ്കരിക്കുകയും ചെയ്യും.

മക്കൾ. സന്തോഷ് കെ. നൈനാൻ (സൗദി), ഷൈനി (ബാംഗ്ലൂർ) ,പരേതനായ കൊച്ചുമോൻ.

ഹാലേലൂയ്യാ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക് ചെയ്ത് വാട്സ്ആപ് ഗൂപ്പിൽ ജോയിൻ ചെയ്യുക

കൊല്ലം : ഇന്ത്യ പെന്തക്കോസ്ത് ദൈവസഭ ചാത്തന്നൂർ 24 മത് സെന്റർ കൺവൻഷൻ ഏപ്രിൽ 13 മുതൽ 16 വരെ ചാത്തന്നൂർ കാരംകോട് ഐപിസി എബൻ ഏസർ ഗ്രൗണ്ടിൽ നടക്കും. സെന്റർ പാസ്റ്റർ തങ്കച്ചൻ ജോർജ് ഉദ്ഘാടനം ചെയ്യും. പാസ്റ്ററമാരായ അജി ഐസക് , വി.പി. ഫിലിപ്പ്, ഡോ. ഫിലിപ്പ് പി. തോമസ്, റ്റി. ഇ. വർഗീസ്, ജോൺസൻ ദാനിയേൽ എന്നിവർ പ്രസംഗിക്കും.

കൺവൻഷനോടനുബന്ധിച്ച് സോദരി സമാജം മേഖല സമ്മേളനം, സണ്ടേസ്കൂൾ , പി വൈ പി എ വാർഷികം, സംയുക്ത ആരാധനയും തിരുവത്താഴ ശുശ്രൂഷയും നടക്കും.

ഉമ്മന്നൂർ താബോർ വോയ്സ് ഗാനശുശ്രൂഷയ്ക്ക് നേതൃത്വം നല്കും.

സെന്റർ പ്രസിഡന്റ് പാസ്റ്റർ തങ്കച്ചൻ ജോർജ് സെന്റർ സെക്രട്ടറി പാസ്റ്റർ സാജൻ ഈശോ പ്ലാച്ചേരി, സെന്റർ ട്രഷറർ സി.കെ. അലക്സണ്ടർ എന്നിവരുടെ നേതൃത്വത്തിലുള്ള കൺവൻഷൻ കമ്മിറ്റി പ്രവർത്തിച്ചു വരുന്നു.

വാർത്ത: സാജൻ ഈശോ പ്ലാച്ചേരി

ഹാലേലൂയ്യാ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക് ചെയ്ത് വാട്സ്ആപ് ഗൂപ്പിൽ ജോയിൻ ചെയ്യുക

രാജ്യത്ത് കോവിഡ് കേസുകൾ ഉയരുന്നു; കേരളത്തിൽ പ്രതിരോധം ശക്തിപ്പെടുത്താൻ നിർദേശം  

തിരുവനന്തപുരം: കേരളത്തിൽ കോവിഡ് കേസുകൾ നേരിയ തോതിൽ ഉയരുന്ന സാഹചര്യത്തിൽ പ്രതിരോധത്തിന്റെ ഭാഗമായി ആശുപത്രികളിൽ മാസ്‌ക് നിർബന്ധമാക്കിയതായി മന്ത്രി വീണാ ജോർജ് അറിയിച്ചു. രോഗം ബാധിച്ചാൽ അപകടരമാകാൻ സാദ്ധ്യതയുള്ളവർക്കും മാസ്‌ക് നിർബന്ധമാക്കി. ഗർഭിണികൾ, കുട്ടികൾ, പ്രായമായവർ, പ്രമേഹം, രക്തസമ്മർദ്ദം തുടങ്ങിയ ജീവിത ശൈലി രോഗമുള്ളവർ തുടങ്ങിയവർക്കാണ് മാസ്‌ക് കർശനമാക്കിയത്. ആരോഗ്യ പ്രവർത്തകർ സുരക്ഷാ മാനദണ്ഡങ്ങൾ കൃത്യമായി പാലിക്കണമെന്നും മന്ത്രി നിർദ്ദേശിച്ചു.

രാജ്യത്ത് പല സംസ്ഥാനങ്ങളിലും കോവിവിഡ് കേസുകളുടെ എണ്ണം കുതിച്ചുയരുന്നതായാണ് റിപ്പോർട്ട്. കഴിഞ്ഞ 24 മണിക്കൂറിനിടെ 3,016പേർക്ക് വൈറസ്‌ബാധ സ്ഥിരീകരിച്ചു. ഇതോടെ രാജ്യത്തെ കേസുകളുടെ എണ്ണം 13,509 ആയി.ഒരുദിവസത്തിൽ 40ശതമാനം വർദ്ധനവാണുണ്ടായത്.പോസിറ്റിവിറ്റി നിരക്ക് 2.7ശതമാനമായും ഉയർന്നു. പ്രതിവാര പോസിറ്റിവിറ്റി നിരക്ക് 1.71ശതമാനമാണ്.

24മണിക്കൂറിനിടെ രാജ്യത്ത് 14മരണങ്ങളും റിപ്പോർട്ട് ചെയ്തു. എട്ടെണ്ണം കേരളത്തിലും മൂന്നെണ്ണം മഹാരാഷ്ട്രയിലും രണ്ടെണ്ണം ഡൽഹിയിലും ഒന്ന് ഹിമാചൽപ്രദേശിൽ നിന്നുമാണ്.

ഇതോടെ രാജ്യത്തെ കൊവിഡ് മരണസംഖ്യ 5,30,862ആയി. രോഗമുക്തരായവുടെ നിരക്ക് 98.78ശതമാനമാണ്. കഴിഞ്ഞ ആറ് മാസത്തിനിടെ റിപ്പോർട്ട് ചെയ്ത കോവിഡ് കേസുകളിൽ ഏറ്റവും ഉയർന്ന നിരക്കാണ് ഇന്നലത്തേത്. രാജ്യത്ത് ഏറ്റവും കൂടുതൽ കോവിഡ് കേസുകൾ കേരളത്തിലാണ്. പ്രതിദിന രോഗികളുടെ എണ്ണം 686ആയി. ഏറ്റവും കൂടുതൽ സജീവ പോസിറ്റീവ് കേസുകളും(3389)കേരളത്തിലാണ്.

ഡൽഹിയിൽ 24മണിക്കൂറിനുള്ളിൽ 300കേസുകൾ രേഖപെടുത്തിയ സാഹചര്യത്തിൽ ഇന്ന് മുഖ്യമന്ത്രി അരവിന്ദ് കെജ്‌രിവാളിന്റെ അദ്ധ്യക്ഷതയിൽ അടിയന്തരയോഗം ചേരുമെന്ന് ഡൽഹി ആരോഗ്യമന്ത്രി സൗരഭ് ഭരദ്വാജ് പറഞ്ഞു. മഹാരാഷ്ട്രയിൽ മുംബൈ,പൂനെ,താനെ,സാംഗ്ലി തുടങ്ങിയ ജില്ലകളിലും കൊവിഡ് കേസുകളുടെ എണ്ണം ഉയർന്നിട്ടുണ്ട്.

ഹാലേലൂയ്യാ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക് ചെയ്ത് വാട്സ്ആപ് ഗൂപ്പിൽ ജോയിൻ ചെയ്യുക

മരുഭൂമിയിൽ ഭക്ഷണവും വെള്ളവുമില്ലാതെ കുഞ്ഞുമായി ഹാഗാർ അലഞ്ഞു നടന്നു. മരണം മുന്നിൽകണ്ട്, ചുട്ടുപൊള്ളുന്ന മരുഭൂമിയിൽ ദാഹജലത്തിനായി അവൾ ആഗ്രഹിച്ചു. കുഞ്ഞിനെ ഒരു കുറുങ്കാട്ടിന്റെ തണലിട്ട് അവൾ കണ്ണീരൊഴുക്കുന്നു. ദൈവം അവളുടെ കണ്ണ് തുറക്കുന്നു. അവൾ ഒരു നീരുറവ കാണുന്നു.

ഇത് ബൈബിൾ പറയുന്ന ഒരു ചരിത്രമാണ്. പ്രിയപ്പെട്ടവരേ, നീരുറവ ഇല്ലാത്തതല്ല ഹാഗാറിൻ്റെ പ്രശ്നം. അവളുടെ കണ്ണ് തുറക്കാത്തതാണ് വിഷയം. നമുക്ക് മുൻപിൽ അനുഗ്രഹങ്ങൾ ഉണ്ടെങ്കിലും അത് കാണാനും പ്രാപിക്കാനും നമ്മുടെ ആന്തരിക ദൃഷ്ടികൾ തുറക്കപ്പെടേണ്ടത് ആവശ്യമാണ്. അത് തുറക്കപ്പെട്ടില്ലെങ്കിൽ ജീവിതത്തിൽ ഒരിക്കലും ദൈവം നൽകുന്ന അനുഗ്രഹങ്ങൾ കാണാൻ നമുക്ക് കഴിയുകയില്ല.

പ്രവാചക ശിഷ്യന്റെ ചുറ്റും മലനിറയെ ദൈവദൂതഗണങ്ങളുടെ കാവൽ ഉണ്ടെങ്കിലും അത് കാണാൻ അവൻ്റെ ആന്തരിക നയനങ്ങൾ തുറന്നിട്ടില്ലായിരുന്നു. അരാം സൈന്യത്തെ അവൻ കാണുന്നു, എന്നാൽ തനിക്ക് ചുറ്റും കാവലായി നിന്ന ദൂതഗണത്തെ കണ്ടില്ല. ഭൗതിക നന്മകളെ ദർശിക്കാമെങ്കിലും ദൈവം ഒരുക്കുന്ന വഴികളും നന്മകളും ദർശിക്കുവാൻ ആത്മകണ്ണുകൾ തുറക്കപ്പെടണം. നിൻ്റെ ന്യായപ്രമാണത്തിലെ അത്ഭുതങ്ങളെ കാണാൻ എൻറെ കണ്ണുകളെ തുറക്കണം (സങ്കീ.119:18).

പിന്നീട് എലീശ പ്രാർത്ഥിച്ചപ്പോൾ ദൈവം ബാല്യക്കാരൻ്റെ കണ്ണുകൾ തുറന്നു. അവൻ മലനിറയെ അഗ്നിമയമായ രഥങ്ങളും കുതിരകളും കൊണ്ട് നിറഞ്ഞിരിക്കുന്നത് കണ്ടു. അതായത് ദൈവം അവർക്ക് ഒരുക്കിയ സംരക്ഷണം ഈ ലോകത്തിലെ ഒരു രാജ്യം തന്റെ പൗരന്മാർക്ക് കൊടുക്കുന്ന സംരക്ഷണത്തിലും എത്രയോ വലുതായിരുന്നു!എന്നാൽ അത് കാണാൻ അവൻ്റെ കണ്ണു തുറന്നിട്ടില്ലായിരുന്നു എന്നുള്ളതാണ് പ്രശ്നം.

നമ്മുടെ ആത്മീയ കണ്ണുകൾ തുറന്നാൽ മാത്രമേ ദൈവം ഒരുക്കുന്ന ആത്മീയ,ഭൗതിക നന്മകൾ നമുക്ക് കാണാൻ കഴിയുകയുള്ളൂ. ദൈവം നമ്മുടെ ആത്മനയനങ്ങൾ തുറക്കട്ടെ.

ഹാലേലൂയ്യാ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക് ചെയ്ത് വാട്സ്ആപ് ഗൂപ്പിൽ ജോയിൻ ചെയ്യുക

രാജസ്ഥാൻ: ജയ്പൂർ ഐ.പി.സി ഗിലെയാദ് സഭാംഗം,വയലത്തല കഞ്ഞിക്കുഴിയിൽ വീട്ടിൽ സണ്ണി തോമസിന്റെ ഭാര്യ സാറാമ്മ സണ്ണി ജയ്പൂരിൽ വെച്ച് കർത്തൃ സന്നിധിയിൽ ചേർക്കപ്പെട്ടു.

സംസ്കാര ശുശ്രൂഷകൾ ഐ.പി.സി ഗിലെയാദ് ജയ്പൂർ സഭയുടെ നേതൃത്വത്തിൽ ശനിയാഴ്ച രാവിലെ 9 മണിക്ക് ഭവനത്തിലും 12:30 ന് വിദ്യാധർനഗർ സെമിത്തേരിയിലും നടക്കും

മക്കൾ: ഷെറിൻ സന്തോഷ്, ജെറിൻ തോമസ്

മരുമകൻ: സന്തോഷ് ചാക്കോ.

കൊച്ചുമക്കൾ: എയ്ഞ്ചൽ സന്തോഷ് , ഏഡൻ സന്തോഷ്

ഹാലേലൂയ്യാ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക് ചെയ്ത് വാട്സ്ആപ് ഗൂപ്പിൽ ജോയിൻ ചെയ്യുക

ബിബിസിയിൽ കുമ്പനാടിനെ സംബന്ധിച്ച് എഴുതപ്പെട്ട  ലേഖനം സമ്മിശ്ര വികാരങ്ങളും പ്രതികരണങ്ങളും ഉളവാക്കിയത് എന്റെയും ശ്രദ്ധയിൽ പെട്ടു. കാലിക പ്രസക്തിയുള്ള ഗൗരവതരമായ അനേക വിഷയങ്ങൾ ഇന്ത്യയിലും, അഥവാ കേരളത്തിലും സുലഭമായി ഉള്ളപ്പോൾ, ഇത്ര ലഘുവായ ഒരു വിഷയം ലോകശ്രദ്ധയാർജ്ജിച്ചു എന്നത് രസകരമായി തോന്നി. ന്യായമായും ആ ലേഖനത്തിനു പിന്നിലെ ചേതോവികാരം ചോദ്യം ചെയ്യപ്പെടാവുന്നതാണ് എന്നതിൽ എനിക്കും രണ്ടു പക്ഷമില്ല. ആഭരണശാലകളില്ലാത്ത, സിനിമാശാലകളില്ലാത്ത, മദ്യഷാപ്പുകളില്ലാത്ത, ഏറ്റവും അധികം ബാങ്കുകൾ ഒരു ചെറിയ ഭൂമിശാസ്‌ത്രമേഖലയിൽ സ്ഥിതി ചെയ്യുന്ന ഒരു ചെറിയ ഗ്രാമത്തിന്റെ ഒരു ദയനീയത വെളിച്ചത്തു കൊണ്ടുവരുവാൻ ബോധപൂർവം ഒരു ശ്രമം നടന്നിരുന്നുവോ എന്ന് ഞാനും ഓർത്തു പോകുകയാണ്.

ഈ ലേഖനത്തിന്റെ ഉദ്ദേശം അതല്ല. ഗൗരവതരവും ലഘുവും എന്ന രണ്ടു പദങ്ങൾ ഞാൻ മുകളിൽ ഉപയോഗിച്ചല്ലോ. ബിബിസി അവതരിപ്പിച്ച പ്രശ്‍നം ലഘുവാണെന്നല്ല ഞാൻ ഉദ്ദേശിച്ചത്. പ്രത്യുത, സാമൂഹികപ്രതിബദ്ധതയുമായി തട്ടിച്ചു നോക്കുമ്പോൾ കുമ്പനാടിന്റെ മാത്രം പ്രശ്നമായി അവതരിപ്പിച്ചതിലെ പൊരുത്തമില്ലായ്മയെ വരച്ചുകാണിക്കുവാനാണ് എന്നത് ആദ്യമേ ഓർമിപ്പിക്കട്ടെ.

‘ബ്രെയിൻഡ്രയിൻ’ അഥവാ ‘ബുദ്ധിമാന്മാരുടെ കുടിയേറ്റത്തിൽ കൂടെ ഉളവാകുന്ന ആൾരാഹിത്യം’ നാം ചില നാളുകളായി കേൾക്കുകയും, അനുഭവിക്കുകയും ചെയ്യുന്ന ഒരു വസ്തുതയാണ്. കേരളത്തിൽ വളർന്ന ഒരു വ്യക്തി എന്നതിൽ നിന്ന് ഒരു സത്യം പറയട്ടെ. എനിക്ക് പത്തു വയസുള്ളപ്പോൾ, ആശാരിപ്പണിക്കോ, മേസ്തിരിപ്പണിക്കോ, പറമ്പിലെ പണിക്കോ, ഹോട്ടലിൽ ഭക്ഷണം ഉണ്ടാക്കുന്നതിനോ വിളമ്പുന്നതിനോ, തലമുടി വെട്ടുന്നതിനോ, പപ്പടം ഉണ്ടാക്കുന്നതിനോ, കൊല്ലപ്പണിക്കോ, നാളികേരം ഇടുന്നതിനോ ഒരു അന്യഭാഷക്കാരൻ നമ്മുടെ കൊച്ചു കേരളത്തിൽ പണിയെടുക്കുന്നത് മഷിയിട്ടു നോക്കിയാൽ കാണുവാൻ സാധിക്കുമായിരുന്നില്ല. ആകെ കണ്ടിട്ടുള്ള അന്യ’ഭാഷക്കാരൻ’ ബാങ്കിൽ മാനേജരായി വന്ന തലേക്കെട്ടുകാരൻ പഞ്ചാബിയും, ആക്രി പെറുക്കുവാൻ വന്ന തമിഴനും മാത്രമേ ഉണ്ടായിരുന്നുള്ളൂ. എന്നാൽ ഇന്നോ? അപ്പോൾ, ബിരുദവും, ബിരുദാനന്തര ബിരുദവും പ്രാപിച്ചവർ മാത്രമല്ല, സമൂഹത്തിലെ എല്ലാ തുറകളിൽ ഉള്ളവരും ആകമാനം മറ്റു രാജ്യങ്ങളിലേക്ക് ജോലിക്കും, താമസത്തിനും, ‘ശുശ്രൂഷക്കും’ ഒക്കെ ചേക്കേറുന്ന കാഴ്‌ച ക്രമാതീതമായി വർധിച്ചിട്ടുണ്ട് എന്നതിൽ ഒരു സംശയവും ഇല്ല. എന്താണ് ദൈവത്തിന്റെ സ്വന്തം നാടായ കേരളം മുഴുവൻ സ്വദേശികളുടെ രാഹിത്യം അനുഭവപ്പെടുന്ന സ്ഥലമായി മാറിയത്? ചില കാരണങ്ങളും, പ്രതിവിധികളും ചൂണ്ടികാണിക്കട്ടെ.

മലയാളിയുടെ ഉടമസ്ഥതയിൽ ഇന്ത്യയുടെ തന്നെ ‘ലോകാഭിമാനമായി’ ഉയരുകയും ചെയ്ത പല കമ്പനികളും അയൽ സംസ്ഥാനങ്ങളിൽ എത്തിപ്പെട്ടതെങ്ങനെ? പുരോഗമന പരമായ ഏതു പ്രവർത്തിയെയും തുരങ്കം വച്ച അവസരവാദ രാഷ്ട്രീയം ആണ് അതിനുത്തരവാദി എന്ന് പറയുന്നതിൽ എനിക്ക് ഒരു മടിയുമില്ല.

രണ്ടാമതായി, നൂറു ശതമാനം സാക്ഷരത കൈവരിച്ചപ്പോൾ, പഠിച്ചവർക്ക് തത്തുല്യമായ ഉദ്യോഗങ്ങളും വേതനങ്ങളും ഒരുക്കുവാൻ ഒരുകാലത്തും നമുക്ക് സാധിച്ചിട്ടില്ല. വ്യക്തിപരമായ സാക്ഷ്യം എഴുതാം. എം എസ് ഡബ്ള്യു ബിരുദാനന്തര ബിരുദം നേടിയിട്ടാണ് ലേഖകൻ അമേരിക്കയിലേക്ക് കുടിയേറിയത്. ഒരു കാലത്തു ഒരു മണിക്കൂറിനു ഇന്ത്യൻ രൂപയിൽ ഏകദേശം ആറായിരം രൂപ ഞാൻ ഈ രാജ്യത്തു ശമ്പളമായി വാങ്ങിയിരുന്നു. നല്ല ‘വില’, മാന്യതയുള്ള ‘ഓഫീസ്’, മറ്റുള്ളവരുടെ മുൻപിൽ നല്ല ‘നില’ – ഇതൊക്കെ അതിന്റെ ഭാഗമായിരുന്നു. എന്നാൽ ഒരു പ്രാവശ്യം നാട്ടിൽ അവധിക്കു വന്നപ്പോൾ എന്റെ കൂടെ പഠിച്ച ഒരു വ്യക്തി വേറൊരു ജോലിയിലേക്ക് മാറി എന്ന് കണ്ടു ഞാൻ കാരണം ചോദിച്ചു. മറുപടി ഇതായിരുന്നു – ‘തിരുവല്ലയിലെ ഒരു പ്രശസ്ത ആശുപത്രിയിൽ മൂന്നു വർഷം സോഷ്യൽ വർക്കറായി ജോലി ചെയ്തു. മാസ ശമ്പളം അയ്യായിരം രൂപ’. നോക്കൂ…അമേരിക്കയിൽ അയ്യായിരത്തിൽ പരം രൂപ ഒരു മണിക്കൂറിൽ ലഭിച്ചപ്പോൾ ഞാൻ പഠിച്ചത് തന്നെ പഠിച്ച എന്റെ സതീർഥ്യൻ ഒരു മാസം മുഴുവൻ (നൂറ്റി അൻപതിൽ പരം മണിക്കൂർ) പണിയെടുത്തിട്ടു അത്രപോലും ലഭിച്ചില്ല എന്നുള്ളത് ഇരുപതാം നൂറ്റാണ്ടിലെ സംഭവമല്ല, ആഗോളവത്കരിക്കപ്പെട്ട കേരളത്തിൽ നടന്ന സംഭവമാണ്. പഠിച്ചതനുസരിച്ചു മാന്യമായി കോഴ കൊടുക്കാതെ ജോലി ചെയ്തു കുടുംബസന്ധാരണം ചെയ്യുവാൻ അവസരങ്ങൾ നമ്മുടെ നാട് ഒരുക്കിയില്ല എന്നുള്ളത് വാസ്തവമാണ്.

മൂന്നാമതായി, സാക്ഷരത വർദ്ധിച്ചപ്പോൾ, ജാതിപരമായ നാം പതിച്ചു കൊടുത്തിരുന്ന പല ജോലികളും ചെയ്യുവാൻ പിൻതലമുറ വിമുഖത കാട്ടി എന്നത് വാസ്തവമായ കാര്യമത്രെ. ഈ മാറ്റം സ്വാഗതാർഹമാണ്. എല്ലാവർക്കും, പഠിക്കുവാൻ അവസരങ്ങൾ ഉണ്ടായി. വിദ്യാഭ്യാസത്തിന്റെ വളർച്ച അഭൂതപൂർവമായി നമ്മുടെ നാട്ടിൽ വരുത്തിയ പുരോഗമനത്തിന്റെ പരിണിതഫലമാണ് അനേകർ മറ്റു രാജ്യങ്ങളിലേക്ക് ജോലി തേടി പോകുവാൻ കാരണം. ഇതിലൂടെ, നമ്മുടെ നാട്ടിൽ വന്നു ജോലി ചെയ്തു കുടുംബങ്ങൾക്ക് മറ്റൊരു മാനം കണ്ടെത്തുവാൻ അന്യഭാഷാ തൊഴിലാളികൾക്ക് സാധിച്ചു എന്നുള്ളതും നാം വിസ്മരിക്കരുത്.

മറ്റു രാജ്യങ്ങളിൽ ചെന്ന് മികച്ച ശമ്പളം, ജീവിതമാർഗങ്ങൾ , റോഡുകൾ, മുതലായവ തുടർമാനമായി അനുഭവിച്ചപ്പോൾ പലർക്കും മടങ്ങി വരുവാനുള്ള ത്വര നഷ്ടപ്പെട്ടു എന്നത് സത്യമാണ്. അത് തെറ്റോ ശരിയോ എന്ന് അപഗ്രഥിക്കുന്നതിനേക്കാൾ ഈ അവസ്ഥക്ക് മാറ്റം വരുത്തുവാൻ കഴിയുമോ എന്ന് നോക്കുവാനാണെനിക്കിഷ്ടം. ആഗോളവത്കരണത്തിന്റെ ഉപഭോക്താക്കളായ മലയാളികൾ നമ്മുടെ നാട് വിദേശ മലയാളിയിലൂടെ കൈവരിച്ച നേട്ടങ്ങൾ വിസ്മരിക്കരുത്. പലരും മറ്റു വഴികൾ ഇല്ലാതെയിരുന്നിട്ട് വിദേശങ്ങളിൽ പോയി എന്ന് വരികിലും, കേരളത്തിന്റെ വികസനത്തിന്റെ എല്ലാ മേഖലകളിലും തങ്ങളുടെ പങ്കാളിത്തം ഉറപ്പു വരുത്തുവാൻ അവർ പരിശ്രമിച്ചിട്ടുണ്ട്. വിദേശ മലയാളിയെ തിരികെ കൊണ്ടുവരുകയും, വരും തലമുറയെ കേരളത്തിൽ നിർത്തുകയും വേണമെങ്കിൽ, നമ്മുടെ രാഷ്ട്രീയ സാമൂഹീക രംഗങ്ങളിൽ സമൂലമായ പരിവർത്തനം അനിവാര്യമാണ്. ദൈവത്തിന്റെ സ്വന്തം നാടിനെ, പ്രേതാലയവും, ഭ്രാന്താലയവും ഒന്നും ആക്കി മാറ്റിയത് വിദേശ മലയാളിയോ, വിദേശ ശക്തികളോ അല്ല, നമ്മുടെ സങ്കുചിതമായ ചിന്താഗതികളും, പുരോഗമനവിരുദ്ധ പ്രവർത്തനങ്ങളുമത്രെ. ആറന്മുളയിലെ എയർപോർട്ട് പദ്ധതി തന്നെ അതിന് ഒരു ഉത്തമ ഉദാഹരണമാണ്. നമ്മുടെ കാഴ്ചപ്പാടുകൾ മാറട്ടെ; മാറ്റങ്ങളെ ഉൾക്കൊള്ളുവാൻ തയ്യാറാകട്ടെ; മറ്റുള്ളവരുടെ മുൻപിൽ പൊങ്ങച്ചം കാട്ടുവാൻ ആൾപ്പാർപ്പില്ലാത്ത സൗധങ്ങൾ നിർമിക്കുന്നതിന് മുൻപേ വിശാലമായ ഹൃദയങ്ങൾക്ക് ഉടമകളായി നമുക്ക് മാറാം; വിവിധ സംസ്കാരങ്ങളെ നമുക്ക് ഉൾക്കൊള്ളാം; മതഭ്രാന്തും കക്ഷിവൈരാഗ്യങ്ങളും വെടിഞ്ഞു ഒരു നല്ല മലയാളിയായി നമുക്ക് വർത്തിക്കുവാൻ ശ്രമിക്കാം..ഞങ്ങളിൽ ചിലരെങ്കിലും മടങ്ങി വന്നു സ്വന്ത നാട്ടിൽ ശിഷ്ടകാലം കഴിക്കുവാൻ ആഗ്രഹിക്കുന്നു..അതിനു വേണ്ട വേദി നമുക്കൊരുമിച്ചൊരുക്കാം.

എന്തെങ്കിലും അഭിപ്രായ വ്യത്യാസമുണ്ടെങ്കിൽ വിദേശ മാദ്ധ്യമങ്ങളുടെ കരങ്ങളിൽ അവ കൊടുത്തു സ്വന്തം പല്ലിട കുത്തി മണപ്പിക്കാതെ, നമുക്ക് അവയെ കൂട്ടായി സധൈര്യം നേരിടാം, പ്രളയത്തെ അതിജീവിച്ചതുപോലെ.

ഹാലേലൂയ്യാ പത്രത്തിൽ നിന്ന് നിരന്തരം വാർത്തകൾ നിങ്ങളുടെ മൊബൈലിൽ ലഭിക്കുവാൻ ഇവിടെ ക്ലിക് ചെയ്ത് വാട്സ്ആപ് ഗൂപ്പിൽ ജോയിൻ ചെയ്യുക

---

About

Hallelujah News Paper is a Christian Fortnightly started publishing in 1995 in Kottayam, the Akshara Nagari ( city of letters). Pastor. PM Philip blessed and released the first copy of “ the Hallelujah“ at Thirunnkkara Maidan in Dec’95 . He was one of the pioneers of pentecostal movement in India.

Hallelujah has been a mirror image of the Malayalee pentecostal community around the world for the last two decades .

In this era of the work of the Holy Spirit and church growth, we stand firmly for pentecostal doctrines.

Our focus has solely been on uplifting people and organizations who faithfully stand for christian values and faith inspite of denominational differences and affiliations.

The philosophy of our work in the media segment is to fulfil and meet our commitment responsibly in the light of the Word of God. We are proud to be used by God Almighty as an example among the news based media and pledge to be so in the future also.

Phone: +91 9349500155

Links

• Link 1
• Link 2
• Link 3
• Link 4
• Link 5
• Link 6
• Link 7
• Link 8
• Link 9
• Link 10

• Link 1
• Link 2
• Link 3
• Link 4
• Link 5
• Link 6
• Link 7
• Link 8
• Link 9
• Link 10

Editor Picks

ഉപദേശത്തിൽ നിലനിന്ന ഉദയനക്ഷത്രം ഫിലിപ്പോസ് : ബ്രദർ പി. ജി. വർഗീസ് അനുസ്മരിക്കുന്നു.

മദ്യപൻ്റെ തോളിൽ കയ്യിട്ട് പാസ്റ്റർ മോൻസിയുടെ ഗാനം “കള്ള് കുടിക്കണ ചങ്ങാതി..”

1981- ൽ ഒരു ടെലിഫോൺ അറ്റൻഡർ 2018 – ൽ പ്രൊഫസർ

Gallery

© Copyright 2023. Powered by: Hub7 Technologies